2012ko uztailak 7, San Fermin

SANTA MARIA DE CAMPAN herritik Tourmalet (D918) mitikoaren bidea hartuko dugu. 10 bat kilometro egin ondoren, bihurgune itxi batean, PARKING txiki bat dago: bertatik ekingo diogu ibilaldiari. Eguraldia ona ez balitz, eta mendi-tontorren batera igotzeko plana ez balitz ideia zuzena, Artigues herrixkatik aterako ginateke (amiñi bat beherago dago), GARETeko UR-JAUZItik hurbil pasatu ahal izateko.

GARET-eko BIRAKETATIK (1.400 m) irtengo gara, transformatzailearen ondoan (informazio panela dago), eta uharra zeharkatzen duen pasagunera jaitsiko gara. Aurrera igoko dugu, E-ko norabidean; xendra bizkor igoko da eskuinerantz, HE-rantz, eminentzia bat inguratuz eta lepotxo (1.569 m) baten ondotik pasatuz. Hemen zidorra GR-10C-arekin egingo du bat, eta zidor hau hain zuzen jarraituko dugu aterperaino (CADEROLLES AINTZIRAraino doan LINEA ELEKTRIKOAREN ondoan gaude).

GARETeko PLA (lautada) zeharkatuko dugu, BARASSÉren ETXOLAren ondotik igaro (1.575 m) eta beste ordoki batera iritsiko gara. 1.600 m-etatik aurrera bideak uharra (pasagunea) gurutzatuko du eta HM-rantz igoko da haranaren hondoa ezkerrean utziz.

Bi ordutan presara iritsiko gara, baita CADEROLLES-AINTZIRAra (2.041 m). Mendebaletik inguratuko dugu GREZIOLLES PRESArantz zuzenduz, zeinen azpitik igaroko garen ondoren, muino bat gainditzearren, ostera berriz jaisteko aintzirako ertza bere HE-ko muturrera arte iristearren.

Aintziraren eta GREZIOLLES LAQUETTE-aren (2119 m-en) artean igaroko gara. Azken malda batek (H) CAMPANA DE CLOUTOU ATERPEra eramango gaitu, CAMPANA (3:30 h, 2.225 m) AINTZIRAren gainean kokaturik dagoenera.

Bertan egokitu eta indarrak berritu ondoren, eta egiten duen eguraldiaren arabera, inguru hurbileko gailurretako bat igoko dugu. Aterpeko M-ra joanez aintzirako I-eko ertzari jarraituko diogu, askatutako blokeen artean. M-rantz igoko gara CLOUTOU LEPOra (2380 m-etara) daraman korridore baten eskuineko ertzetik. IE-rantz igoko gara beste lepotxo belartsuraino iritsiz, ostera IIE-ko gandorretik erraz eskuak erabiliz, azkenik CAMPANA DE CLOUTOU TONTORreko (2454 m) gailurrera iritsiz.