Ostadar.org / Urretxu-Zumarragako Ostadar Mendi Taldea
Ostadar.org / Urretxu-Zumarragako Ostadar Mendi Taldea [eu]   [es]
 [ Hemen zaude: 
Ostadar Mendi Taldea > Sarrera > Informazioa > Irteerak
 ]
   
Beitia logoa
Iņaki Beitiaren omenezko 26. Mendi-martxa
Beitia argazkia

Datorren 2024ko maiatzaren 19an, Urretxu-Zumarragan, Iņaki Beitiaren omenezko 26. Mendi-martxa.

Behar duzun informazio guztia http://www.beitia.org webgunean aurkituko duzu.

Baltistan Fundazioa

Goierriko Bira
Goierriko Bira

Hona hemen, Goierriko Bira egin eta gero, talde eta banakoen eskura uzten dugun informazioa.

Behar duzun informazio guztia hemen aurkituko duzu.
Ostadar Mendi Taldearen Liburu Digitala
Liburu digitala

Ikus ezazu OSTADAR Mendi Taldearen Liburu Digitala. Sartu zaitez eta parte hartu!
Gaurko eguraldia
Bihar
Etzi



Deba - Mendata hondartza - Sakoneta hondartza - Algorri hondartza - Zumaia

Deba eta Zumaia arteko Flyschean...

Martxoaren 10ean Deba eta Zumaia arteko Flysch-a ezagutuko dugu

Deskribapena prestatzen ari gara. Barkatu eragozpenak.

Datorren martxoaren 10erako Ostadar Mendi Taldeak Debatik Zumaiaraino egingo duen ibilaldia aurkeztu nahi du. Babestutako Biotopo gisa izendaturik, oinez bisitatuko dugun itsasertzak Flysch ezaguna ezagutzeko parada emango digu, hain zuzen 50 milioi urte baino gehiagoko denboran, liburu ireki baten gisa, zientzialariei lurraren bilakaera ezagutzeko aukera ematen dien fenomeno geologikoa delako.

Tarte batzuetan Gipuzkoako Bira marrazten duen GR 121 zidorra jarraituz, baita kostaldeko Santiago Bideari jaramon eginez, Debako San Roke eta Santa Katalina gurtzen dituzten ermiten ondotik igaroko gara, ondoren Mendata eta Sakoneta labar ikusgarrietara inguratuko garelarik; itsasbeherak aukerarik ematen badu, Sakonetara jaitsiko gara marearteko zabalgunetik ibiltzeko, gerora, zelai berde ugariren artean, Elorriaga auzora ailegatuz. Berriz itsasertzera inguratuz, Algorriko hondartzara inguratuko gara: bertan K/T Muga ikus daiteke (orain dela 65 milioi urte Kretazeoa eta Tertziarioa banatzen dituen geruza dela, bertan hartu ziren laginek orduan eroritako meteorito baten aztarnak eman zituena, hain zuzenki animalia ugariren artean dinosauroak desagerraraziz). San Telmo ermitaren inguruan, dagoeneko Zumaian, amaituko dugu ibilaldia. Berau osatzeko 5 orduko denbora behar dela uste dugu, hori bai, lasai-lasai ibiliz, oinez ibiltzeko ohitura duen edonork egin dezakeelakoan gaude-eta. Ibilaldia panelez osaturik dago eta Flysch-aren eta inguruaren gorabeherak ere ezagutu daitezke hauen bidez.

Irteera ordua goizeko 7:30etan izango da, eta bazkaltzeko orduan itzuliko garela espero dugu.

Izena emateko Ostadar Mendi Taldearen egoitzan (Zumarragako Kultur Etxean) eman daiteke izena astearte, ostegun eta ostiraletan 20:00etatik 21:00etara, 943723385 (erantzungailuan mezua utziz) edo ostadar@ostadar.org email helbidean mezu bat utziz.

Informazio gehiago gure webgunean: http://www.ostadar.org


EUSKAL TELEBISTA: 'Ibil2d': Debatik Zumaiara flysch-aren bidetik

LA2: 'Haitzen hitza' - 'El susurro de las rocas' (Dirigida por Alberto Gorritiberea eta Asier Hilariok zuzendua)

Atal honetan Flyschari buruzko beste hainbat erreportai eta dokumentazio interesgarri ere biltzen ditugu / Otras fuentes de interés con mucha información sobre el Flysch:


[-] Itxi