Ostadar.org / Urretxu-Zumarragako Ostadar Mendi Taldea
Urretxu-Zumarragako Ostadar Mendi Taldea 18+ urtez ibilaldiak euskaraz dokumentatuz
laguntzailea Alex Kirolak
 
eu | es   
 [ Hemen zaude:   ]
   
Beitia argazkia

Datorren 2017ko maiatzaren 21ean, Urretxu-Zumarragan, Iñaki Beitiaren omenezko 21. Mendi-martxa antolatuko dugu.

Behar duzun informazio guztia http://www.beitia.org webgunean aurkituko duzu.

OSTADAR Mendi Taldearen 4. Haur argazki rallyaren argazkiak
B

Bistara itzazu datorren abenduaren 5etik aurrera (21:00etatik aurrera) webgune honetan OSTADAR Mendi Taldeak antolatutako Mendi eta Naturako Haur Rallyaren IV. Edizioaren argazki irabazleak baita argazkirik onenak ere!


Elurrolde bat AEBtan

Elurrolde baten aurrean jakin beharreko aholkuak ikas itzazu.

Goierriko Bira

Hona hemen, Goierriko Bira egin eta gero, talde eta banakoen eskura uzten dugun informazioa.

Behar duzun informazio guztia hemen aurkituko duzu.

Gaurko eguraldia



Pont de la Gaubie (1.538 m) - Aygues-Cluses - MADÁMETE (2.657 m) - Escoubous - Tournaboup (1.452 m).

Madamète tontorrerako bidean...

Autobusak Barèges-etik oso hurbil utziko gaitu, PONT DE LA GAUBIE (1538 m) zubian, TOURMALETeko errepide zaharrean. PARKINGaren ondoan dagoen eraikinaren atzetik igo ahal izango dugu, edo errepidearen ondoan, gorago, GR-10aren markak aurkitu, izan ere, MADAMÈTE LEPOraino jarraitu behar izango ditugu gure ibilbidean. Dena dela ere, POUNTOU (1.741 m) ZUBIra eramango gaituen pista batera iritsiko gara, BIDEGURUTZEA bera (geroago hona itzuliko gara, gaurko ibilaldiko itzulbira osatuz). Marka zurigorriak jarraituko ditugu eta errekaren ondotik jarraituko, hainbat zelaigunetik igaroz; erreka hainbat aldiz zeharkatuko dugu alde batetik bestera, 2.000 m-ko garaieran PÈGUE-eko ETXOLAren ondotik igaroz. Ibilbidea erraza eta polita da eta halaxe AYGUES-CLUSES-eko ETXOLAraino iritsiko gara, COUEYLA GRAN (2.150 m) AINTZIRAren ondoan.

Norabidea aldatu eta H-rantz egingo dugu bira. Laster MADAMÈTE (2.299 m) IZENEKO AINTZIRen artetik igaroko gara, MADAMÈTE (2.509 m) LEPO ikusgarrirainoko aldapari aurre eginez; oso ederra NÉOUVIELLE mendiaren alderako bista. Gailurreria jarraituz, oso ondo markatutako xendratik (zedarriak), denbora laburrean PIC DE MADAMÈTE (2.657 m, zedarri erraldoia) iritsiko gara. Bista ezin hobeak, Anetotik Balaitus arteko mendiak ikusi ahal izango ditugu.

Jaitsierarako, hurbileko TRACENS-eko LEPOrantz abiatuko gara (I), harritzan irekita dagoen bide batetik hain zuzen, eta lepora iritsi gabe zuzen jarraituko dugu, ZEDARRI UGARIZ markatutako xendra bat jarraituz, M-eko norabidean NÈRE (2.200 m) AINTZIRAra eramango gaituelarik; aintzirara iritsi baino lehen, eskuinerantz desbideratuko gara (I), TRACENS LAKUra iritsiz (aintzirak IRLA TXIKI bat du erdian, 2.186 m). Bideak ondoren BLANC AINTZIRAra eramango gaitu (2.117 m), gure ezkerrean utziko duguna; ondoren (ia urik gabeko) LAC DERA YUNCO aintzira etorriko da, eta gainaldetik LAC DETH COUBOUS -okzitanieraz- (frantsesez D'ESCOUBOUS (2.041 ...

Irakurri gehiago [+]