XXII. Ostadar Mendi Astea

Euskalerriko Mendiak (Juan Mari Gabilondo)

Data eta ordua: azaroak 21, astelehena, arratsaldeko 20:00etan. Urretxuko Kultur Etxea.

Astelehenean Juan Mari Gabilondo mendizale zumarragarrak Ostadar Mendi Astean klasiko bihurtu duen "Euskal Herriko Mendiak" diapositiba emanaldia eskainiko digu. Lehendabizi egin dezagun bere biografiaren laburpen bat, ondoren emanaldia eskainiko dituen irteeren berri emateko.

Juan Mari Gabilondo Zumarragako OARGUI (Organización Atlética Recreativa de Guipúzcoa) elkarteko mendi taldean sartzen da 1963. urtean. 1970ean, elkarteko arduradun lanak hartzen ditu mendi taldean. 1971an, OARGUI-Izaspi mendi taldea sortzen da eta 1971tik 1982ra bitartean zuzendaritzan hartzen du parte. 1982an, Ostadar M. T.-ren sorreran ere parte hartzen du. Egun, bertako ekintzetan partehartzaile aktibo dugu.

1971n lehendabiziko Ehun Gainetako Lehiaketa amaitzen du, garaiko "Hermandad de Centenarios Montañeros Vasco-Navarros de la Federación Vasco-Navarra de Montaña" (orduko Euskal Mendizale Federakundea) delako elkartean sartuz. 2001eko azaroa aldera amaitu zuen V. Ehun Gainetako Lehiaketa. Egun VI.aren bila ari da.

Juan Mari Gabilondo, orain arteko batean izan ezik, Ostadar Mendi Aste guztietako (23) egitarauetan hartu du parte. Argazkilari iaioa izanik, zenbait sari jaso ditu eta bere helburua Euskal Herriko eta inguruko herrialdeetako gain eta tontor guztiak ezagutzea da.

Astelehen honetan, eman beharreko diapositibak honakook dira:

• Ibilaldia eta ondoren bazkaria: Ostadar 2004. Markina - URREGARAI (704 m) - BEDARTZANDI (699 m) - Amoroto.
• HIRU TENPLUEN IBILBIDEA. 1. etapa. Arantzazuko Santutegia - Biozkornia lepoa - Brinkola - Mirandaola - Aztiria.
• Eugi – ADI (1.458 m) – Aurizberri. Goierri Mendi Taldearekin batera eginik.
• NAFARROAKO BARDEAK. Bardena Zuria eta Bardea Beltza.
• Maltzaga - KARAKATE (749 m) - IRUKURUTZETA (985 m) – IRIMO (899 m) – Urretxu-Zumarraga.
• Basakabi – ADARRA (817 m) – MANDOEGI (1.059 m) – Goizueta.
• BAIO (neguko argazkiak).