XXII. Ostadar Mendi Astea

Lehoinabarraren Aztarna (Andoni Ormazabal)

Data eta ordua: azaroak 22, asteartea, arratsaldeko 20:00etan, Urretxuko Gainzuri Aretoa.

Datorren azaroaren 22an eta Urretxuko Gainzuri Aretoan, XABIER ORMAZABALek utzitako argazkietako batzuk ikusteko aukera izango dugu. Xabier Ormazabal, Urretxuko mendizalea eta Ostadar Mendi Taldeko kidea, Txo-Oiu menditik jaistean 2004ko urrian zendu zen.

Izan ere, Xabierrek izan zuen sekulako ibilbidearekin, zur eta lur utzi gintuen behin baino gehiagotan. Gaztea bazen ere, Xabier 2003. urtean estatu espainiarrean ELURRETAKO LEHOINABARRA izenarekin ezagutzen den proiektu alpinistikoa egiten zuen lehendabiziko mendizalea izan zen. Proiektu honek, sobiet batasuneko errepublika zaharretan duden bost mendirik garaienetara igotzea zen: Ismail Somoni gaina (lehen Comunismo izenekoa, 7.495 m), Khan Tengri (7.010 m), Pobeda Peak (zailena, 7.134 m), Lenin Gaina(7.134 m) eta Korgenewskaya (7.105 m). Pamir eta Tien Shan mendikateetara hiru urtez segidan joanda lortu zuen (2002, 2003 y 2004).

Elurretako Lehoinabarra titulua ematen zuten mendiak jaitsi ondoren, Xabier Ormazabalek zortzimilako mendietara joaten hasi zen; lehendabizikoa Shisha Pangma izango zen, zeina 2004ko irailaren 27an gainditzen zuen. Geroago Txo-Oiu izango zen. Bertarako igoera bakarrik egin zuen eta gainetik jaitsi ondoren, 2004ko urriaren 13an zendu zen.. 23 urterekin sekulako ibilbidea amaituz.

Andoni Ormazabal bere anaiak, omenaldi xume bat eskaini nahi izan dio eta datorren asteartean, urriaren 22an Urretxuko Gainzuri Aretoan, bere anaia Xabierrek utzi zituen argazkietako batzuk ikusteko aukera izango dugu. Hauxe izango da LEHOINABARRAK UTZI IZAN ZIGUN AZKEN AZTARNA.