Datorren ekainaren 10 eta 11an, Zumarragako elizatik 6:00etan abiatuta, Ostadar Mendi Taldeak Aragoiko Pirinioetarako mendi irteera interesgarri eta polit bat antolatu du asteburu osorako.

Ekainaren 10ean, Portalet mendatetik abiatuta, PICO CANAL ROYA (2.363 m) eta PICO ASTÚN (2.279 m) gailurretara igoko gara, inguruko mendiak eskaintzen dituzten bista ezin hobeak gozatuz. Ondoren, Escalar ibonetik, eta Collado de los Monjes lepoak bisitatuko ditugu Astunen zeharkaldia amaituz. Geroago, Canfranc-era joango gara bertan lo egitearren.

Ekainaren 11n, ordea, Yebra de Basatik abiatua, Santa Orosia ermitarako bidea hartuko dugu. Ermita bisitatu ondoren, OTURIA (1.921 m) gainera igoko gara, eta Oliván herrian amaituko dugu asteburuko mendi-irteera, Urretxu-Zumarragara abiatu baino lehen.

Izena ematea elkartean (Zumarragako Iparragirre 4, 2. solairuan – KZGunearen gainean), astearte, ostegun eta ostiralean 20:00etatik 21:00etara egin daiteke, edo 943723385 telefonora deituz bertan mezua utziz.