Ostadar Mendi Taldearen Liburu Digitala Ikus ezazu OSTADAR Mendi Taldearen Liburu Digitala. Sartu zaitez eta parte hartu!

Gaurko eguraldia Bihar Etzi

Arantzako Zirkoari Bira:

Datorren igandean, irailaren 10ean Ostadar Mendi Taldeak Arantzako Zirkoari emango dion ibilaldi eder bat antolatu du. Esan bezala, ibilaldiak Bortziri eskualdean kokaturik dagoen Arantza herritik irten eta bertan dagoen zirkoari bira emango dio, bertan diren gain guztiak bisitatuko direlarik: UNANU (651 m), IZU (829 m), IBINTZA (1.037 m), EKAITZA (1.047 m), MENDIEDER (1.106 m); MENDAUR (1.131 m) gaina hautazko gain bezala utziko dugu. Ibilaldian zehar, inguruko mendien bista ezin hobea ikusteko aukera izango dugu, eta eguraldia lagun bada, Euskal Herriko kostalde osoa ikusteko aukera ere izango dugu.

Ibilaldiaren amaieran, Erdi Aroan sortutako Arantza hiribildua ezagutzeko aukera izango dugu.

Autobusa, Zumarragako Elizatik, goizeko 6:30etan irtengo da.

Parte hartu nahi dutenei, izena eman dezaten eskatu nahi diegu, Zumarragako Iparragirre 4 – 2. solairuko (KZGunearen gaineko) Ostadar M. T.-ren egoitzan zein (zuen telefono zenbakia utziz) 943723385 telefonoan.