Itsasutik Ainhoaraino. Itsasu (Laxia) - MUNDARRAIN (749 m) - Ainhoa.

Datorren urriaren 8an, igandea, Ostadar Mendi Taldeak Lapurdiko mendialdean, zehazki Ezpeletako kantonamenduan egingo den ibilaldi eder bat antolatu du. Itsasuko elizaren ondotik abiatuko gara, eta Atekagaitz pasabidetik igaro ondoren (frantsesez La Pas de Roland izena du eta Errobi ibaiaren ertzeko harri batean Errolanek, Karlomagnoren ilobak Durandarte ezpatarekin, euskal mitologiaren arabera, irekitako zuloa omen da)–, Mundarrain tontorreraino igoko gara. Bertatik Lapurdiko mendialde honetako mendiak eta bailarak ikusi ahal izango ditugu. Honen ondoren, GR-10etik jarraituz, Euskal Herri osoan diren herririk politenetako batera jaitsiko gara, Ainhoara hain zuzen.

Ibilaldiaren ondoren, Erdi Aroan eraikitako herri honetaz gozatzeko aukera izango dugu. Izan ere, urriaren 8ko ibilbidean nabarmentzekoak dira hasierako eta amaierako herriak, biek baitituzte oso interesgarriak diren elizak eta aldameneko kanposantuak, beren generoan bakanak eta bereziak diren disko-formako hilarriak baitituzte bertan.

Autobusa, Zumarragako Elizatik, goizeko 7:00etan irtengo da.

Parte hartu nahi dutenei, izena eman dezaten eskatu nahi diegu, Zumarragako Iparragirre 4 – 2. solairuko (KZGunearen gaineko) Ostadar M. T.-ren egoitzan zein (zuen telefono zenbakia utziz) 943723385 telefonoan.