Axularren Dabilen harriari ez zaio goroldiorik lotzen esaldia daraman ohorezko plaka jaso zenuen orain dela urte dezente Urretxu-Zumarragako mendizaletasunaren alde egindakoagatik, izan ere asko egin eta emandakoa zara zu gure mendizaletasunean.

Esperientzia handiko mendizalea izan zinen: Jon Aranaren espeleologia taldean aritu zinen gaztetan, 1967ko uztailean, Amado Buronekin Alpeetara joan zineten (hilaren 18an MONT-BLANC mediko gailurrera igo zenuten -duela 50 urteko materialarekin-).

Oargui-Izaspi mendi taldearen diru-zaina izan zinen urte askoan, Ostadar Mendi Taldean gero zuzendaritzan sartu duela 2 bat hamarkada eta lan handia egin zenuen elkartearen alde: elkartea egunero zabaldu, milaka aldiz aseguruak tramitatu eta Anjel Etxeberriaren omenezko ibilaldien ibilbidea erabaki. Gure mendiei eta ibilbideei buruz jakin behar zutenek ere bazuten zure erantzuna.

Besarkada handi bat Lutxiri, seme-alaba eta senide eta lagun guztiei.

Beti izango zaitugu gogoan. Ez adiorik, Manuel!